fbpx

ធ្វើយ៉ាងដូចម្តេចទើបមានទំលាប់ក្រោកពីព្រលឹម?

១. រកហេតុផលសំខាន់បំផុតដែលអ្នកត្រូវក្រោកពីព្រលឹម

ជាការ​ពិត​បើសិន​ជាអ្នក​គ្មានហេតុផល​ដ៏សំខាន់​ដែល​អ្នកត្រូវក្រោក​ពីព្រលឹម​ទេនោះ អ្នកនឹង​មិនដែរ​ធ្វើវាបានទេ។ ដូច្នេះ​​អ្នកគួរ​តែចំនាយ​ពេល​ដើម្បី​ស្វែង​រកមូល​ហេតុ​ដ៏ធំបំផុតដែល​អ្នកត្រូវតែភ្ញាក់ពីគេងអោយបានលឿន វាអាច​ជាអ្វីមួយ​ដ៏សាមញ្ញ​ដូច​ជាបើសិន​អ្នកក្រោក​ពីព្រលឹម អ្នក​នឹង​មាន​ពេល​ញុំា​អាហារ​ពេលព្រឹក ទៅ​ធ្វើ​ការ​ទាន់​ពេលវេលា មិនតែប៉ុណ្ណោះ​អ្នកអាច​ផ្តើមធ្វើកិច្ចការ​របស់​អ្នកឲ្យឆាប់ហើយ ដូច្នេះ​អ្នកនឹង​ឆាប់បាន​ឈប់សំរាកដើម្បី​យក​ពេល​ទៅ​ធ្វើអ្វី​ផ្សេង​ទៀត។ មិន​ថា​ជាហេតុផលអ្វីក៏ដោយ អោយតែវាជាមូលហេតុច្បាស់លាស់ដែលធ្វើឲ្យអ្នកមានអារម្មណ៍រំភើបដើម្បីងើបចេញពីកន្លែងគេង ហើយមិនយូរមិនឆាប់អ្នកនឹងបង្កើតវាបានជាទំលាប់។

២. កំណត់គោលដៅពីតូចទៅធំ និងពីតិចទៅច្រើន

វាពិតជាសំខាន់ខ្លាំងណាស់ក្នុងការកំណត់គោលដៅពីតូចទៅធំ និងពីតិចទៅច្រើន។ យើងភាគច្រើនចង់ក្រោកលឿនជាងមុនពីរឬបីម៉ោង ប៉ុន្តែយើងដាក់គោលដៅធំពេកដែលតម្រូវឲ្យយើងខំប្រឹងខ្លាំងជ្រុលហើយចុងបញ្ចប់ក៍ត្រូវបោះបង់គោលដៅនោះចង់។ ខ្លួនប្រាណរបស់យើងមិនអាចធ្វើការផ្លាស់ប្តូរដូចយើងចង់បាន បានភ្លាមៗនោះទេ វាត្រូវការពេលដើម្បីខ្លួនប្រាណរបស់យើងសុំាបាននឹងទម្លាប់ថ្មី។

ដូច្នេះអ្នកអាចចាប់ផ្តើមពីគោលដៅតូចជាមុនសិនដូចជាងើបលឿនជាងមុន ៣០​ នាទី ក្រោយមកទៀតពេលដែលយើងធ្វើវាបានហើយ អ្នកអាចបង្កើនទៅជាងើបលឿនជាងមុន ១ ម៉ោង ហើយបន្តទៅមុខទៀតរហូតដល់គោលដៅដែលអ្នកចង់បាន។

3. កំណត់កាលវិភាគចូលគេងដែលសមស្របនឹងអ្នក

បើអ្នកចង់ក្រោកពីព្រលឹមអ្នកត្រូវតែឆាប់ចូលគេងផងដែរ អ្នកត្រូវកំណត់ពេលចូលគេងដែលសមស្របនឹងស្ថានភាពរាងកាយរបស់អ្នក ប៉ុន្តែកាន់តែឆាប់ចូលគេងកាន់តែល្អព្រោះវាពិតជាជះឥទ្ធិពលខ្លាំងណាស់ទៅលើសមត្ថភាពដែលអ្នកអាចជំរុញខ្លួនឯងឲ្យរួតរះក្រោកពីភួយ ហើយត្រូវប្រាកដថាអ្នកបានដេកគ្រប់គ្រាន់តាមការនែនាំ។

4. ទុកម៉ោងរោទ៍អោយផុតពីដៃ

បើអ្នកទុកម៉ោងរោទ៍ជិតដៃរបស់អ្នក អ្នកប្រាកដជាបិទម៉ោងរោទ៍ហើយដេកទៅវិញជាមិនខានព្រោះស្មារតីរបស់មិនទាន់ស្វាងនៅទ្បើយ។ ដើម្បីយកជំនះលើបញ្ហានេះអ្នកត្រូវដាក់ម៉ោងរោទ៍អោយឆ្ងាយពីកន្លែងអ្នកគេង ដូច្នេះពេលដែលអ្នកចង់បិទវា អ្នកត្រូវតែបង្ខំខ្លួនឯងអោយងើបឈរ ហើយដើរសំដៅទៅរកម៉ោងរោទ៍ដែលជាវិធីមួយដែលធ្វើឲ្យអ្នកស្វាងលឿន។

ប្រភព៖ Khmer Edutainment

Related Posts

Leave a Comment